पग्लालाक्बय नि रिजाल सा Europa

Ngayong araw na ito, ang tungkol sa paglalakbay ni Rizal sa Europa ang tinalakay namin. Sa pagpunta ni Rizal sa Europa ay nakasama niya si Maximo Viola. Sa loob ng limang taon ay nilibot nila ang mga lugar doon. Narito ang mga listahan ng mga lugar na napuntahan nila: Dresden(pinakamagandang lugar sa Alemanya), Leitmertz Bohemia,(kung saan nakilala niya si Blumentritt, na isang matandang Australyanong propesor), Prague, Vienna, Geneva (pinakamagandang lungsod sa Europa), Italya, Roma(walang hanggang lungsod). Pagkatapos ng mahabang paglalakbay sa Europa, na inabot ng limang taon, ay umuwi si Rizal sa Pilipinas. Naisipan niyang magtayo ng klinika at dahil doon ay tinawag siyang "doktor alemanya". Nagtayo rin siya ng gymnasium at ibinahagi niya ang kanyang mga natutunan sa larangan ng palakasan, sa kanyang mga kababayan.

Naging mabilis lang ang pag-uulat ni Geraldine. Sa katunayan ay inabot lang ata siya ng hindi lalampas sa kalahating oras o ni hindi nga ata siya umabot doon. Ang ilan sa maibibigay kong puna ay: walang siyang aktiviti na ipinagawa sa mga estudyante, ang bilis niyang magsalita, tinapos niya ang ulat ng halos siya lang ang nagsalita. Dapat ay binigyan niya ng panahon ang mga estudyante na makibahagi sa talakayan para magkaroon sila ng partisipasyon at aktiviti, maging pasulat man o pasalita.

Ang Pag-aaral ni Rizal sa Sto. Tomas

Matapos ang pag-aaral ni Rizal sa kolehiyo ay nakapagdesisyon siyang mag-aral ulit ng kursong medisina ngunit sa pagkakataong ito ay nais niyang sa ibang paaralan naman mag-aral, sa Sto. Tomas. Ang magamot ang kanyang inang si Donya Teodora ang pinakadahilan kung bakit ninais niyang mag-aral ng medisina. Gusto niyang maoperahan ang mga mata nito na nagkaroon ng katarata dahil sa matagal na pagkakakulong sa bilangguan. Bukod diyan, nais niya ring magamot pati ang mga kababayan niyang may sakit din. Noong panahong iyon kasi ay laganap ang sakit sa kanilang lugar at ilan sa mga popular na sakit na nabanggit ay ang : cholera, beri-beri, tuberkulosis, at iba pa. Sa pag-aaral niya sa Sto. Tomas ay hindi lang medisina ang kursong kinuha niya kundi kumuha rin siya ng kursong Pilosopiya. Sa pagtatapos ng talakayan ay napagtanto ko ang ilang mga bagay-bagay sa aking sarili. Naisip ko, "ano rin kaya ang maitutulong ko sa aking pamilya at sa aking bayan?". Sumagi rin sa aking isip ang aking ina. Naisip ko "ano kaya ang magagawa ko para mapasaya siya?" Lalo na't malapit na ang kanyang kaarawan ay nais kong mabigayan siya ng isang bagay na ikakasasaya niya hindi lang bilang pagtanaw ng utang na loob sa lahat ng bagay na ginawa niya para sa akin kundi pati na rin ang maipakita na mahal ko siya at mahalaga siya sa akin gaya ni Rizal. Isa siyang dakilang anak at napakabuti niya dahil may pagmamalasakit siya sa kanyang mga kababayan.

Pag-aaral ni Rizal sa Ateneo

Si Rizal ay unang kumuha ng eksaminasyon sa SAN JUAN DE LETRAN dahil doon niya talaga balak mag-aral ngunit sinabihan siya ng kanyang mga magulang na sa Ateneo o (Escuela Pia noon) na lamang mag-aral kung kaya't kumuha siya ulit ng eksaminasyon para makapasok doon. Dahil sa maliit ang pangangatawan ni Rizal sa kanyang edad at huli na siya sa pagpapa-enrol ay hindi na sana siya makakapasok sa Ateneo pero dahil sa tulong ng isang kaibigan ay pinayagan siyang makapag-aral doon. Ang mga estudayante sa Ateneo noon ay nahahati sa dalawang pangkat: ang mga naninirahan sa loob ng paaralan at ang mga nakatira sa labas ng paaralan. Naging ,maayos naman ang pag-aaral ni Rizal doon at kinilala siya bilang isa sa magagaling na estudyante ng paaralang iyon. Matataas ang naging grado niya at dahil sa ipinamalas niyang kasipagan at taglay niyang katalinuhan ay isa siya sa mga nangunguna sa klase.

Unang Guro ni Rizal at Pagkawalay sa mga Magulang

Ang tungkol sa pag-aaral ni Rizal ang naging sentro ng paksa ng aming talakayan ngayong araw na ito. Sa pagsisimula ng klase ay tinanong kami ng tagapag-ulat kung sino at ano ang mga natatandaan namin sa aming unang naging guro. Naging masigla at napuno ng tawanan ang klase dahil sa iba'y -ibang karanasang ibinahagi ng bawat isa. May nagsabi na ang kanilang guro ay istrikto at namamalo ang iba naman binigyan daw sila ng bagong pangalan, basta napakarami! Ang sumunod ay ang pagtalakay sa pag-aaral ulit ni Rizal ngunit sa panahon na nawalay siya sa kanyang mga magulang. Nagkaroon ulit ng pagbabahagi ng kanya-kanyang karanasan. Ang iba nagkwento ng tungkol sa pagbabakasyon sa Baguio, sa Cebu at kung saan- saan pang lugar na pinuntahan nila kung saan naranasan nilang mapahiwalay sa kanilang mga magulang at mga kapatid. Isinalaysay rin nila kung ano ang kanilang naranasan sa ilang araw na pagtigil sa lugar na iyon at kung ano ang saya at lungkot ang kanilang naramdaman.

Ikalawang Quiz Sa Rizal

Pagkatapos ng nakagawiang pag-uulat ng trivia at mga balitang napakinggan o nabasa ay nagbigay si Sir Irvin ng maikling pagsusulit batay sa ginawang pag-uulat ng aking mga kaklase. Hindi ako nakapag-scan ng notes ko kung kaya't hindi ko nakuha iyong sagot sa ibang katanungan. Ngunit, malaki ang pasasalamat ko na nagawa kong masagutan halos lahat ng tanong. Hindi naman ako bumagsak dahil nakikinig ako sa tuwing may nag-uulat at kung minsan ay nagbabasa rin ako ng aklat.(nag-aadvance study, ika nga).hehe...Kaya dahil dyan lagi na kong magbabasa sa tuwing may oras ako.

Reaksyon 3

Ngayong araw na ito ay ipinagpatuloy namin ang naudlot naming talakayan. Si kuya Alex at si Miranda ang nag-ulat at ang kanilang paksa ay tungkol sa "Kabataan ni Rizal". Naging malinaw naman ang kanilang pag-uulat ngunit may kulang sapagkat hindi sila nakapaghanda ng visual aids. Pero sa kabuuan ay masasabing maayos naman ang kanilang performance. Alam nila ang paksa ngunit kinulang nga lang sa paghahanda. Maikli lang ang nangyaring talakayan.

ACTIVITY DAY!!!

Ngayong araw na ito ay nagkaroon kami ng "National Book Week Celebration". Ang aming klase ay isa sa naging parte ng selebrasyong ito. Gaya ng napag-usapan namin sa aming klase ay nag-isponsor kami ng poster making contest. Ang paligsahang ito ay dinaluhan ng iba't ibang departamento dito sa paaralan. Nagsimula ito sa ganap na 9:20 ng umaqga at natapos sa ganap na 12:20 ng tanghali. Pagkatapos ng paligsahan ay diretso na agad sa botohan. Ang bawat isa sa mga partisipante ay binigyan ng mga ticket o stubs na ipagbibili nila sa kanilang mga kaklase upang makakuha ng dagdag na puntos dahil kasali iyon sa ibinigay na mechanics ng ilan sa aking mga kakalase. Ang bawat isa sa stubs na iyon ay nagkakahalaga ng isang piso at katumbas niyon ay isang boto para sa partisipanteng pagbibilhan nila. Ang partisipanteng makapagpapabili ng pinakamaraming stubs ay bibigyan ng parangal, ang "PEOPLE'S CHOICE AWARDS".

Pagpapatuloy ng Pagpaplano Para Sa Magaganap Na Poster Making Contest

Sa pagpapatuloy ng aming pag-uusap tungkol sa nalalapit na activity day ay nag-isip kami ng temang naaayon sa "National Book Week Celebration" para siyang maging paksa ng poster making contest na iisponsoran namin sa darating na miyerkules ng umaga. Napag-usapan ng klase na simulan ang paligsahan sa ganap na alas-nuwebe ng umaga at tapusin sa ganap na alas-dose ng tanghali. Ang pagparegister ay magsisimula na ngayong araw na ito at matatapos sa miyerkules bago magsimula ang paligsahan. Naibigay na rin ang mechanics ng paligsahan. Ang 15 % ng rating ay manggagaling sa stubs na maipagbibili ng mga partisipante. Bukod pa doon, ang partisipanteng makapagpapabili ng pinakamaraming stubs ay mabibigayan ng parangal, ang "PEOPLE'S CHOICE AWARD". Ang pagkakalat ng mga impormasyon ay gagawin sa pamamagitan na lamang ng pagpapaskil sa iba't-ibang parte ng paaralan upang hindi na maabala ang klase.

Paghahanda Para Sa National Book Week

Pagkatapos ng kaunting seremonyas bago magsimula ang klase, dumako na kami sa pagtalakay ng programang aming iisponsoran para sa darating "NATIONAL BOOK WEEK CELEBRATION". Napagkasunduan naming mag-isponsor ng isang "poster making contest". Sa ngayon ay wala pa kaming naisip na maarimg pamagat para dito. Ang ibang detalye ay pag-uusapan pa lamang sa susunod na meeting. Inabot kasi kami ng isang oras sa pagaasayn pa lamg ng mga komite sa iba't -ibang gawain. Maganda ang nasabing proyekto. Tiyak na makakatulong ito sa aming mga estudyante. Kaya lang, siyempre, may kamahalan kung kaya't di naiwasang may magtutol dito, ngunit maaari naman iyang magawan ng paraan. Balak naming humingi ng pondo sa "SSC" sa tulog ng kaklase naming miyembro ng SSC ay inaasahan naming marerealize ang aming proyekto.

Reaksyon 1

Sa araw na ito wala kaming masyadong ginawa. Pagkatapos ng pag-uulat ng balita at mga trivia ay ipinaliwanag sa amin na kailangan naming baguhin ang paraan ng pagrereport ng mga trivia at news. Kailangang naroon ang mga referens o mga pinagkunan ng impormasyon para may basehan ang aming mga iniuulat at para naman mabigyan ng pagkakataon ang iba na makita o mabasa ang mga iyon. Ito na ang pangatlong araw ng klase namin sa Filipino sa aming bagong guro. Ang masasabi ko lang talagang mahiyain siya. Bihirang kumibo at mahina ang boses. Talagang naiilang pa siya sa amin. Hindi masyadong tumitingin sa amin kapag may sinasabi. Ganunpaman naiintindihan ko naman kaya lang alam kong hindi nagugustuhan ng iba iyon. Sabagay, maganda talaga kung malakas ang boses ng guro at hindi gaanong seryoso. Isa pa sa rason ay ang tungkol sa project. Medyo magastos daw. Oo nga, tama naman sila pero dapat nilang isipin na magastos talaga ang pag-aaral. Kung tinatamad silang gumawa pagkatapos ng meeting maaari naman nilang gawin ito tuwing araw ng sabado. Kailangan lamang ay gumawa ng draft para mas madali ang pag-encode. Hindi rin naman kailangang masyadong mahaba. Bastat nariyan ang gusto mong sabihin. Malaya naman tayong gumawa ng kahit ano sa ating blog. Ang masasabi ko lang kailangan lang ay magkaroon tayo ng positibong pag-iisip tungkol dito. Alam ko naman na hindi ito ibibigay sa atin kung hindi ito makakatulong at makakapagpapaunlad sa ating kakayahan bilang estudyante.

Reaksyon 2

Maganda ang mood ko ngayonng araw na tio. Ganado akong maparticipate sa talakayan kaya natuwa ako sa aking sarili. Naging maganda ang ginawang pagpapakitang-turo ni Ms. mirabueno. Talagang magaling siya. I know, she'll be a great teacher someday. Although simple lang ang mga activities na ipinagawa niya ay nakatulong ito para sa pagpapaliwanag ng paksa. Nag-enjoy kami kung kayat hindi kami nabagot. Sana laging ganito para hhindi ako inaantok. haha...Hmmm,,sa totto lang, nag-advance study kasi ako. Napag-aralan ko na ang tinalakay niya kaya hindi ako nagdalawang isip sa pagrecite.

Unang Araw Nang Klase Sa Filipino

Unang meeting namin ngayong araw na ito. Bago ang teacher namin. Si Mr. Irvin P. Sto. Tomas. Pinalitan niya and dati naming teacher na si Dr. Elsa Durante dahil may sakit ito at kailangang pansamantalang magleave. Sa araw na ito ay pinaliwanag niya ang mga requirements niya sa sabjek na ito gayundin ipinakilala niya sa amin ang kanyang pagkatao. Siya Ay 24 na taong gulang , ipinanganak noong Enero 6,1983 at kasalukuyang nakatira sa Canaman Camarines Sur. Ang masasabi ko lang mukha siyang mabait. Kaya lang Medyo may pagkamisteryoso. Kakaiba ang appeal.Haha...Parang siya yong tipo nang tao na masyadong malihim. Hindi rin siya palakibo.